بسم الله الرحمن الرحيم
السلام عليكم ورحمة الله وبركاته
شحالكم اخواني عساكم بخير وعافيه
استوا موقف وحبيت انزل هالقصيده (( وصدق الشاعر يوم قال ))
واهديها لعضو في المنتدى وهو يعرف الموقف.....~
((الحظ مقســـــــــــــــــــــــــــــــــــــــــوم ))
ياعين كفي الدمع مني ولـو يـوم...صبري على مر الدهر لو شقاهـا
مترى الدمع ياعين وصلج لغيـوم ٍ...غيم علـى غيـم ً يعتـم سناهـا
عييت من شكواج في ساعة النـوم...نوم يشوق ناظري فـي كراهـا
لو ييت اخفي مابدا لـج فـلا روم...منج تناثـر وابـل الدمـع ماهـا
حتى وبر الصبح نشيـت مغمـوم...انادي على من كان سبـب بلاهـا
بلا من بلاني بالعمر خط مرسـوم...رسم المسجل في الصدر مامحاهـا
انا بـوده صابـرا ً بالدهـر دوم ...دوم على دوم ً وروحـي فداهـا
هذيج اوقات ً مـع الخـل محتـوم...مرت كما برق ً لمع فـي سماهـا
ترك لي من الفرقى شوم ًعلى شوم...كما رسم ً وسم دمي فـي دماهـا
طونها خيوط الدهر صار مبـروم...برم السدي لي وثقـه فـي سداهـا
ياعين كفي وافهمي الحظ مقسـوم...جسمه من المولى يبـري براهـا
لابد اتيي لوقات تصدقج لـو يـوم...وتشفي جروحج قطرة ً من دواهـا
لاداوي بها روحي من غير مفهوم...لو كان بشرب حنضل البر ماهـا
لذيذ ً على جبدي خافيا ً ومجتـوم...تصفي ولو تدلـخ عليـه صفاهـا
عسى الله ياعيني لج الحظ مقسـوم...مع احباب واصحاب يجرب خطاها
هذاك وين النفـس ترتـاح ياقـوم...قوم من الضيفان يـردوا ثناهـا
ياعالي الخود واسمك عالـي دوم...واسمك بفعلك معتـرً فـي نداهـا
عسى الله يجمعنا على خير لوسوم...نفرح بشوفج مـع جديـد ً لفاهـا
ياعين كفي الدمع مني ولـو يـوم...صبري على مر الدهر لو شقاهـا
مترى الدمع ياعين وصلج لغيـومغيم... علـى غيـم ً يعتـم سناهـا
واسمحولي على الاصاله
تحياتي
العضو الأكثر نشاطاً هذا اليوم 
10-15-2008, 11:07 AM
العرض العادي
