من اسنين على ذمة الراوي في عائله من جماعتنا ريالهم كلهم دواويخ، وهذيك الأيام ماكان فيه عمايدي يعني (سجاير) كان حد عنده كيله وحد عظم وذاك من ذاك اللي عنده مدواخ ويوم يتيامعون الصبح في الحضيره وكل أظهر مدواخه وضبطه وير عليه وغدت ريحه الخضرة ماتتشاهد من الدخان وليلة كان عندهم ضيف والضيف مايدوخ ويوم عدى الصبح وقاموا الربع يدوخون انزعج الظيف من ريحة الدخان وتأثرت عيونه من الدمج والرائحه وظهر خارج الحضيره وافتقدوه وحصلوه خارج المكان وقالو له قرب تتقهوى قال مابيي لين توقفون دوخه ورد عليه واحد منهم من باب السوالف :-







مانقبل لك عذاير

كله ولا المدواخ

لضيوفنا والزاير

ماعندنا فراخ

الا هاي العجاير

يا كم ضيف داخ

يبعد عنا الكداير

ان ولع المدواخ

...


م.ن